घर – बस है  एक एहसास

In English script for those who can’t decipher Devanagari script:

Ghar….kya hai yeh !!

Makaan hai ya ek ehsaas

Toh kahan hai yeh ghar aaj

Kyun kho gaya hai ghar phir

Ek awaaz aayi zor se ek din

Chood do yeh ghar apna tum

Pal na laga humein ghar chodne mein

Jaan pe Jo ban aayi thi

To aaj kyun dhood rahe hai ghar

Bachchpan bita ghar ki talaash mein

Keh na paye kisi makaan ko apna ghar

Ghar to chooth gaya tha, baki to sab makaan the

Makaan bhi to apne nahi the

Ghar ko phir sawanrne lage the hum 

Phir lagne laga woh ahsaas- ghar ka sa

Jawaani nikli  is eshaas ko apna banane mein

Jawani kho gaye hum is ehsaas mein

Phir ek awaaz aayi zor se ek din

Chood do yeh ghar apna tum

Pal na laga humein ghar chodne mein

To aaj kyun dhood rahe hai ghar

Bachchpan se jawani ho gayi

Doondh rahe hain hum ghar aaj bhi

kahan hai yeh ghar,koi makaan hai ya ehsaas

Mile to yaaron humein bhi jeene dena yeh ehsaas 

Aaj bhi wohi sawaal hai

Ghar….kya hai yeh !!

Makaan hai ya hai ek ahsaas 

Humein to bas aaj bhi hai talaash !!